வ.உ.சி நகர் தெருக்களில் இருந்து (1)

மழைக் காலத்தில் நனைந்த வேர் போல அந்த நகரம் இன்னமும் ஈரம் காயவைக்கப்படாமலே இருக்கிறது. என்னை எப்போதும் அதில் நனைந்தபடியே பார்க்க விரும்புகிறேன்.அங்கு நான் வெறும் சிறுவன்.கவலைகளற்றவன்.பெரும் காகிதங்களில் பிரபஞ்சம் வரைந்துகொண்டிருன்தேன்.அங்கு உழன்று கொண்டிருக்கும் என்னை எப்போதும் என் கனவுகளில் பார்த்திருக்கிறேன் .அதன் தெருக்களில் ஓடிக்கொன்றுப்பேன். என் இரவுகளில் பாதி அந்தக் கனவுகள் கண்டே உறங்கி இருக்கிறேன்.என் வாழ்வின் மிக நீளமான நினைவாக எஞ்சி இருப்பது அந்த நகரம் மட்டுமே.அந்த நகரத்தின் அனைத்தையும் என்னால் மிகத் துல்லியமாக பார்த்துவிட முடியும். அது கொண்டாட்டமான நகரம். தினமும் அதில் நான் வண்ணங்களை நிரப்பிக் கொண்டிருப்பேன். இன்றும் அங்கு திரியும் நான் விசித்திரமானவன். தினமும் பள்ளி மைதானங்களில், கோவில் தெருக்களில், சைக்கிள் கடைகளில், ஹிந்தி கற்றுக்கொண்டும் Continue reading “வ.உ.சி நகர் தெருக்களில் இருந்து (1)”

Advertisements

பரிசளிக்கப்பட்ட மழைக்காலம்

பெரும் மழைக் காலம் ஒன்றை பரிசளித்தாள்
அதில் என்நேரமும் மழை
நனைதலில் இருந்து தப்பவே முடியாத மழை
அதில் நனைந்து திரிவதற்கு
அவனிடம் எந்தக் காரணங்களும் இல்லை
மிக இறுக்கமாக
தன்னையே தனக்குள் வைத்துப் பூட்டிக் கொண்டான்
இத்தனை பரிசுத்தமான மழை
தனக்கானதில்லை என்று
அடியாழத்தில் இருந்து நம்பத்துவங்கினான்
கண்களை மூடி
இந்தக் கடும் மழையை
தன்னால் தாங்க முடியாதென்று
கடவுளிடம் வேண்டினான்

Continue reading “பரிசளிக்கப்பட்ட மழைக்காலம்”

வெய்யிலை உருமாற்றும் காக்கைகள்

வீட்டின்
ஒவ்வொரு படிக்கட்டுகளாக
இறங்கி வழிந்துகொண்டிருந்த
வெய்யிலை
பருகிவிட்டுச் சென்ற
காக்கைகள்
மீண்டும் மழையாக
சில சமயங்களில்
குளிராக
சில சமயங்களில் Continue reading “வெய்யிலை உருமாற்றும் காக்கைகள்”

நனைந்து திரிவது

அன்று ஒரு நாள்
முகம் பார்த்து பேசிக்கொள்வதற்காக
இத்தனை வருட சோகத்தை
நீரோடு நீராக அழுது
கரைத்து விடுவதற்காக
முடிவற்ற கலவி ஒன்றிற்காக
காகிதக் கப்பலேறி
திசைகளற்ற நாடுகள் செல்வதற்காக
என்னை உற்று நோக்கும்
குளிருடன் உரையாடுவதற்காக
தற்கொலை ஒன்றை தடுப்பதற்காக Continue reading “நனைந்து திரிவது”

Chaap Tilak Sab Cheeni – அமிர் குஸ்ரோவ்

ஒரே பார்வையால் என்னிடமிருந்து அனைத்தையும் எடுத்துக் கொண்டாய்
காதல் மதுவை பருக்கக் கொடுத்தாய்
ஒரே பார்வையால் என்னை மயக்கிவிட்டாய்
என் அழகான மிருதுவான கைகளில் பச்சை வளையல்கள்
ஒரே பார்வையால் கைகளை நீ இறுக்கமாக பற்றிக்கொண்டாய்,
என் வாழ்க்கையை உனக்கு அற்பணிக்கிறேன்
ஒரே பார்வையால் உன்னையே என்னுள் வண்ணமாக பூசிவிடு
என் வாழ்க்கையை முற்றுமாக உனக்கு அற்பணிக்கிறேன்
ஒரே பார்வையால் நீ என்னை மணந்து கொண்டாய்
என்னிடம் இருந்து அனைத்தையும் எடுத்துக் கொண்டாய், ஒரே பார்வையால்

– அமிர் குஸ்ரோவ்
தமிழ் மொழிபெயர்ப்பு – சபா முத்துகுமார்

இந்த சூஃபிக் கவிஞ்னைப் பற்றி மேலும் தெரிந்து கொள்ள

Continue reading “Chaap Tilak Sab Cheeni – அமிர் குஸ்ரோவ்”

கண்ணாடிப் போத்தல்களுக்குள் நிரப்பப்பட்டிருக்கும் காதல்

[இப்பதிவு லகுடபாண்டியனை பிரிந்து சென்ற பெருங்காதலிக்குச் சமர்ப்பணம்]

துருக்கி கடற்கரையில்
மது அருந்திக் கொண்டிருந்த பொழுது
உன் பிரிவின் முதல் நினைவு வந்தது
மதுவின் கடைசி துளியில்
அது பல சொற்களாக
அழுகையாக
கசப்பாக உருப்பெற்றது
அதை முழுவதுமாக
காகிதங்களில் நிரப்பி வைத்தேன்
என்னால் வேறு எப்படியுமாக

Continue reading “கண்ணாடிப் போத்தல்களுக்குள் நிரப்பப்பட்டிருக்கும் காதல்”

மயில்களிடம் இருந்து வரும் வாசனை

எத்தனை முறை என் வலது கையை முகர்ந்து பார்த்தும்
அப்படியே தான் இருந்து அந்த வாசனை
அப்பாவிடம்
நண்பனிடம்
கண்ணம்மாவிடம்
எல்லோரிடமும் சொல்லியாகி விட்டது
யாரும் நம்புவதாக இல்லை
பெருங்காதலின் காமம் போல
என்னுள்ளே கிடந்தது
ஒவ்வொரு முகர்தளிலும்
முதல் முறை பார்த்தது போலவே
வேலிகளுக்கு அப்பால் தோகையை விரித்தபடி
மழைக்காக காத்து நின்ற அந்த மயிலின் வாசனை

நீந்திக் கொண்டிரு

நீந்திக் கொண்டே இரு
நினைவுகளில்
அன்பில்
கனவுகளில்
காதலில்
காதல் தரும் வலியில்
பிரபஞ்ச வெளியில்
இப்படி எதிலாவது.
நீந்துதல் ஒரு கொண்டாட்டம்

இருளும் வெளிச்சமும்

பெரும் சூனியத்தின் மத்தியில்

இருளுக்கு ஏன் இருளென்று பெயர் வந்தது

அது இருளாக இருப்பதால் அப்படி ஒரு  பெயர்

விசித்திரமான பெயர்

இருளுக்குள் ஒரு வெளிச்சமும் வெளிச்சத்திற்குள் ஒரு இருளும் இருக்கிறதே

அது அப்படித்தான். இருள் என்பதே ஒரு வெளிச்சம். வெளிச்சம் என்பதே ஒரு இருள்.

Continue reading “இருளும் வெளிச்சமும்”

சாத்தானுக்கு அருகில் ஒரு இடம்

கருமை, அழுத்தம், வெறுப்பு, கோபம், அகோரம், காமம், வன்புணர்ச்சி, குரூரம், இரத்தம், சதை, பிணம், பிணத்தின் வாடை, அழிவு, கீழ்மை, சிறுமை, சாவு…

கடவுளுக்கு அருகில் இடம் வேண்டாம்
சாத்தானிடம் இருந்து தப்பித்துக் கொள்ள
அதனுக்கு அருகிலே ஒரு இடம் வேண்டும்
சாத்தானுக்கு அருகில் ஒரு இடம் கொடுங்கள்.

இந்த இசை வகை தான் அதற்கான் வழி. இசையை கேளுங்கள் உங்களுடைய எல்லா சிறுமைகளும் கிழமைகளும் உங்களை சாத்தானுக்கு அருகில் இட்டுச்செல்லும். #BlackMetal